ပဲခူးတိုင်းဝန်ကြီးချုပ် အပါအ၀င် ၀န်ကြီးများနှုတ်ထွက်ပေးရေးသာယာဝတီမြို့တွင်
ဆန္ဒထုတ်ဖော်

==
သာယာဝတီ၊နိုဝင်ဘာ(၄)။

     ပဲခူးတိုင်းဒေသကြီး၊သာယာဝတီခရိုင်၊သာယာဝတီမြို့တွင် နိုဝင်ဘာလ(၄)ရက်
နံနက် (၇း၂၀)နာရီအချိန်ခန့်က ၀န်ကြီးချုပ် ဦးဝင်းသိန်း၊စည်ပင်သာယာဝန်ကြီး
ဦးမောင်မောင်လွင်၊သစ်တော ၀န်ကြီး ဦးကျော်မင်းစံနှင့် သာယာဝတီမြို့နယ်
စည်ပင်သာယာ လက်ထောက်ညွှန်ကြားရေးမှူး ဦးအေးကျော်တို့မှာ  ပြည်သူလူထုအတွက်
အကျိုး မပြုသည့် အတွက်  ဖြုတ်ချပေးရန် ပြည်သူအချို့က ဆန္ဒထုတ်ဖော်
တောင်းဆိုခဲ့ကြကြောင်း ဆန္ဒထုတ်ဖော်သည့်နေရာသို့သွားရောက်သတင်းရယူခဲ့သည့် AHN သတင်းထောက်ကသတင်းပေးပို့သည်။

    ဆန္ဒထုတ်ဖော်ပွဲကို သာယာဝတီမြို့နှင့် သုံးဆယ်မြို့တို့မှ
ပြည်သူ(၂၀)ခန့်က စုပေါင်းပြုလုပ်ခြင်းဖြစ်ကြောင်း၊ ဆန္ဒထုတ်ဖော်ပွဲကို
သာယာဝတီမြို့ ဗိုလ်ချုပ်လမ်း တုံစံစီဘုရားကျောင်းရှေ့မှ စတင်ခဲ့ကြောင်း။ ဆန္ဒဖော်ထုတ်သူပြည်သူများက
“ပဲခူးတိုင်းဝန်ကြီးချုပ် ဦးဝင်းသိန်း
ပြုတ်ကျရေး-ဒို့အရေး၊စည်ပင်သာယာရေးဝန်ကြီး ဦးမောင်မောင်လွင်
ပြုတ်ကျရေး-ဒို့အရေး၊သစ်တောရေးရာ ၀န်ကြီး ဦးကျော်မင်းစံ
ပြုတ်ကျရေး-ဒို့အရေး၊လက်ထောက်ညွှန်ကြား ရေးမှူး ဦးအေးကျော်-အလိုမရှိ၊
သပိတ်သပိတ် မှောက်မှောက်၊သခင်မျိုးဟေ့ ဒို့ဗမာ၊အရေးတော်ပုံ အောင်ရမည်”
စသည့် ကြွေးကြော်သံများ ကြွေးကြော်ကြပြီး ယင်းကြွေးကြော်သံပါ
ဆိုင်းဘုတ်များအား ကိုင်ဆောင်ကာ ပြည်-ရန်ကုန်လမ်းအတိုင်းချီတက်ပြီး
ပေါက်တန်းလမ်းဆုံတွင် (၈၈)တိုက်ပွဲကျရဲဘော် အငယ်လေးအား ရပ်တန့်
မေတ္တာပို့ခြင်းများ ပြုလုပ်ကြကြောင်း၊ ၎င်းနောက် သာယာဝတီမြို့
စည်ပင်သာယာရုံးရှေ့တွင် ရပ်တန့်ဟောပြောမှုများ ပြုလုပ်ခဲ့ကြောင်းAHN သတင်းထောက်ကပြောသည်။

     “အခုဆန္ဒထုတ်ဖော်တာ ဘယ်အဖွဲ့အစည်းကိုမှ
ကိုယ်စားမပြုဘူး။ဘယ်သူတစ်ဦးတစ်ယောက်ကမှလည်း ဖိအားပေးတာမရှိဘူး။ဆန္ဒတူ
မဲဆန္ဒရှင်တွေ စိတ်တူကိုယ်တူ ခံစားချက်တူတွေ ဆန္ဒဖော်ထုတ်ကြတာပါ။ဘယ်
ပါတီအဖွဲ့အစည်းကမှ မဟုတ်ပါဘူး။”ဟု ဆန္ဒပြပွဲကို
ဦးဆောင်သူဦးထွန်းဝင်းကပြောသည်။

     အဆိုပါ ဆန္ဒထုတ်ဖော်ပွဲပြုလုပ်ရန်အတွက် နိုဝင်ဘာလ(၁)ရက်နေ့က
သာယာဝတီမြို့နယ် ရဲတပ်ဖွဲ့မှူးရုံးသို့ အကြောင်းကြားစာပေးပို့ထားပြီး
ဖြစ်ကြောင်းနှင့် ဆန္ဒထုတ်ဖော်ပွဲကို နံနက်(၉း၂၀)နာရီအချိန်ခန့်တွင်
လူစုခွဲ ရုပ်သိမ်းလိုက်ကြောင်း AHN သတင်းထောက်က သတင်းပေးပို့သည်။

====

                        မင်းထက်( AHN - PYAY)

PHOTO -  AHN