ရန်ကုန်တွင် ဆိုင်ကယ်စီး နင်းခွင့်ပြု ရန် မရှိသေးဟု ၀န်ကြီးပြော
========
နေပြည်တော်၊ နိုဝင်ဘာ ၁၇ ။
နိုဝင်ဘာလ ၁၇ ရက်နေ့တွင် ကျင်းပသော ပြည်သူ့လွှတ်တော်
အစည်းအဝေးတွင် ရွှေပြည်သာ မဲဆန္ဒနယ်မှ ဦးဥာဏ်လင်း က ရွှေပြည်သာ၊ လှိုင်သာယာစသည့် မြို့သစ်များနှင့် ယာဉ်ကြောပိတ်ဆို့မှု မရှိသော မြို့နယ်များတွင် မော်တော်ဆိုင်ကယ်စီးနင်းခွင့်ပြုရန်နှင့် လိုင်စင်များပြုလုပ်ပေးရန် အစီအစဉ် ရှိ/မရှိ မေးမြန်းခဲ့သည်။
အဆိုပါမေးခွန်းနှင့် စပ်လျဉ်း၍ ပို့ဆောင်ရေးနှင့်
ဆက်သွယ်ရေး ဒု-ဝန်ကြီး ဦးကျော်မျိုး က ရန်ကုန်တိုင်း ဒေသကြီးအတွင်း မြို့နယ်ပေါင်း(၄၅)မြို့နယ်ရှိသည့်အနက်(၃၁)မြို့နယ်တွင် ရန်ကုန်မြို့တော် စည်ပင်သာယာရေး ဧရိယာနယ်နိမိတ်အတွင်းတည်ရှိပြီး ၁၃-၁၁-၂၀၁၄ ရက်နေ့တွင် ရန်ကုန်မြို့တော် စည်ပင်သာယာရေး နယ်နိမိတ် အတွင်း ခွင့်ပြုချက်မရှိဘဲ မော်တော်ဆိုင်ကယ် စီးနင်းဝင်ရောက်ခြင်းမပြုရဟု အမိန့်အမှတ်(၂/၂၀၁၄)ဖြင့် ဆိုင်ကယ် စီးနင်းခွင့်အား တားမြစ်ခဲ့ရာ ရွှေပြည်သာမြို့နယ်နှင့် လှိုင်သာယာမြို့နယ်များ
ပါဝင်ခဲ့ပါကြောင်း။
လူဦးရေထူထပ်သော အဆိုပါမြို့နယ်များ၌
မော်တော်ဆိုင်ကယ်စီးနင်းမှုကြောင့် ပြည်သူများ ဘေးအန္တရာယ်
ဖြစ်စေနိုင်သဖြင့်လတ်တလောအခြေအနေအရ မော်တော်ဆိုင်ကယ်
စီးနင်းခြင်းကို ခွင့်ပြုနိုင်ခြင်း မရှိသေးပါကြောင်း နှင့် လိုင်စင်ထုတ်ပေးခြင်း မရှိသေးပါကြောင်း ပြန်လည်ဖြေကြားခဲ့သည်။
==
AHN
SOURCE; ပြည်သူ့လွှတ်တော်။
No comments:
Post a Comment